Dagsverk Korosten

Elevane ved Ølen vgs har i fleire år hatt eit prosjekt Dagsverk Korosten (DK) der dei har arbeida for å hjelpa elevar i byen Korosten i Ukraina

Publisert 28.10.2020 08.57

Sist endra 05.05.2025 08.28

Kva er Dagsverk Korosten?

Dagsverk Korosten har vore elevane sitt humanitære prosjekt ved Ølen vgs heilt sidan 2003. Avstemming blant elevane gav fleirtal for å forsetje Dagsverk Korosten, og er dermed bindande for alle elevane. Det vil seie at alle elevar skal bidra. Deltaking er obligatorisk og ikkje opp til den einskilde.

Mål

Prosjektet arbeider etter same målsetjing som Operasjon Dagsverk. Me samlar inn pengar til barn og ungdom i Korostenområdet i Ukraina. Mottoet er "elevar hjelper elevar" og Ølen vgs er den einaste skulen i Norge som samlar inn pengar til byskular og landsbyskular i dette svært fattige området av Ukraina. Korosten ligg 8 mil frå Tjsernobyl kor den verste atomulykka i verda fann stad i 1986.

Samarbeid

Me samarbeider med THK stiftelsen, og har sidan 2003 vore med å hjelpe ungdom i Korosten. Ølen vgs har ein forpliktande avtale for bruk av DK midlar i samråd med Korosten kommune/-skulesjefen og THK stiftinga (Sergei Kovalchuk)

Organisering

Ein skuledag i kvart skuleår skal alle elevane ut i jobb og samle inn kr 400,-. Alle pengane går til Dagsverk Korosten

Prosjektet har ei eiga arbeidsgruppe (DK-gruppe) som har ansvar i planlegging, informasjon og innsamling av pengar/kvitteringar etter arbeidsdagen

Kva dag er det Dagsverk Korosten skuleåret 2024-2025?

Kva er siste frist for innbetaling av Dagsverk pengene?

Eg har mista lenken til avtalesskjema til Dagsverk Korosten. Korleis får eg nytt?

Kor mykje og korleis skal eg betale inn?

Dagsverket kostar kr 400,- men det er lov å gi meir! Pengane går til barn og unge i - og rundt Korosten i Ukraina.

Det er ulike måtar å betale inn:

VIPPS

Elevar kan vippse direkte til skulen sin vippskonto #514442 og velje DAGSVERK KOROSTEN skriv in NAMN og KLASSE i meldingen

Privatpersonar kan vippse direkte til skulen sin vippskonto dersom dei i meldingsfeltet skriv inn NAMN og KLASSE til eleven dei betalar for

Arbeidsgjevar (bedrift)

betalar anten eleven direkte (som deretter betalar skulen) eller ber om tilsendt faktura frå skulen.

Send e_post olen-vgs@skole.rogfk.no

Oppdragets verdi er kr 400,-

Kva er sponsorløp og kven er det for?

Informasjon om sponsorløpet:

Dato

Fredag 1. november kl. 09.00 til kl. 11.15 blir det arrangert sponsorløp på Ølen VGS.

Kven

Alle elevane må gå, jogge eller springe minst fire rundar der kvar runde er 955 m. Det vil bli premie til den klassen som relativt sett spring flest rundar, og den guten og jenta som spring flest rundar.
Alle elevane må delta på løpet sjølv om dei ikkje har sponsorar. Dette er eit felles arrangement for heile skulen.

Sponsor

Elevar som ønskjer å bruke sponsorløpet til å samle inn pengar til Dagsverk Korosten må skaffe seg sponsorar på førehand. Sponsorane (familie og vener) kan velje om dei vil gi eit beløp for kvar runde eleven gjennomfører, eller eit fast beløp. Den enkelte elev må springe inn 400 kr (kan vere meir), og i etterkant vippsar eleven sjølv til Dagsverk Korosten (sponsorane skal ikkje sende pengane til skulen eller kontoen til Dagsverk Korosten).

Tekst som elevane kan bruke for å få sponsorar

Fredag 1. november skal eg springe sponsorløp til inntekt for Dagsverk Korosten.
Eg skal springe ei runde på ca. 1 km i 90 minutt. Du kan sponsa med både fast beløp og rundebeløp. Kvar elev skal samle inn minimum 400 kr.
Korosten er ein by i Ukraina som Ølen VGS har hjelpt i mange år. Tidlegare har pengane gått til barneheim, skular og ungdomsarbeid i byen. Etter krigen braut ut er behovet for hjelp endå større.
Vil du vere med å sponsa meg? I tilfelle må du gi meg ei tilbakemelding på kor mykje du ønskjer å sponsa med, og om du vil sponsa pr. runde eller eit fast beløp. Etter løpet sender (vippser) du pengane til meg, så leverer eg dei samla inn til Dagsverk Korosten.
Vennleg helsing ………………………………

Eg er arbeidsgjevar. Kva er Dagsverk Korosten?

Bakgrunnsinformasjon

Elevane ved Ølen vgs har i fleire år hatt eit prosjekt (Dagsverk Korosten) der dei har arbeida for å hjelpa elevar i byen Korosten i Ukraina.

Betaling for arbeidsgjevar(bedrift)

Arbeidsgjevar (bedrift) betalar anten eleven direkte (som deretter betalar skulen) eller ber om tilsendt faktura frå skulen (husk å oppgi namn og klasse på eleven)

Send e_post olen-vgs@skole.rogfk.no

Oppdragets verdi er kr 400,-

DK-gruppa 2024

Dette er elevane i DK-gruppa.

DK-gruppa 2024
Navn	Klasse
Silje Kathrine Økland	2STB
Taisija Baukis	2STB
Yelyzaveta Isachonok	1STA

Historikk

Historikk
År	DK Aksjonsdagen	Innsamling	Anna informasjon
2022-2023	måndag 14. november		THK v / Vidar Askelsen nottar på siste dag før jul, kr 100.000 frå DK
2021-2022	måndag 15.november,		Vårfest, Ukraina i fokus 7.april. THK v/Vidar og Sergeiy formelt overrekt Kr 260.000,- DK aksjonsdag 15. november: kr 100.000,-frå DK i fjor overført til THK.
2020-2021	måndag 9. november 2020	kr 100.000
2019-2020	måndag 16. mars 2020	kr 60.000	4-8.Mai 2020 reiser 6 elevar frå DK-gruppa og 2 lærarar ti I Korosten (avlyst pga Covid 19)
2018-2019	fredag 8. februar 2019	kr 130.000	Sergeiy og Larissa Kovashuk, Vidar Akselsen frå THK vitjar Ølen vgs. Ny intensjonsavtale for perioden 2018-2020 vert underteikna av Elevrådet si DK-gruppe, Rektor og THK.
2017-2018		kr 100.000	THK v/ Vidar Akselsen mottar på siste dag før jul, kr 100.000,- frå DK.
2016-2017		kr 100.000	THK v/ Vidar Akselsen mottar på siste dag før jul, kr 100.000,- frå DK. Desse midlane bidreg mykje til nytt idrettssenter for elevar i eit fattig område i Korosten
2015-2016		kr 80.000	THK v/ Vidar Akselsen mottar på 1. skuledag for elevane 16.august, kr. 80.000,- frå DK.
2014-2015		kr 100.000	Sergeiy Kovalshuk og Vidar Akselsen frå THK mottar på Planleggings-dagen for lærarane 14.august, kr. 100.000,- frå DK.
2013-2014			DK-prosjekt: Etter intensjonsavtale; «for byskulane vidarefører ein etter skulesjef Alla Krasnokuska sitt ynskje om at midlane nyttast til friidrett-, friluftsliv- og kulturlivsutstyr. For landsbyskulane vidareføre etter samråd med skulesjefen for landsbyskulane og rektorane at midlar skal nyttast til tavler, sport, idrettsutstyr eller det som den enkelte skule treng mest.
2012-2013			DK-prosjekt: Friidrett-, friluftsliv- , og kulturlivsutstyr.
2011-2012			Ordførar, 3 forretningsmenn og bystyrerepresentantar vitjar Ølen vgs. Intensjonsavtale for DK-perioden 2010-2012 vert underteikna. DK-prosjekt: Friidrett-, friluftsliv- , og kulturlivsutstyr.
2010-2011			DK-gruppe besøker Korosten. Møte med rektorar og skulesjefar. DK-prosjekt: Nytt undervisningsutstyr til landsbyskulane.
2009-2010			Dagsverksprosjekt: Nytt undervisningsutstyr til byskulane nr. 1 til 13. Tavler, kanon, PCar.
2008-2009			DK-gruppe besøker Korosten DK-prosjekt: undervisningsutstyr til byskulane nr. 1 til 13. Tavler, kanon, PCar.
2006-2007			Prosjekt støtta av utanriksdepartementet: Demokratisering-skuleval. DK-prosjekt: Nytt toalettbygg på skule nr. 4.
2005-2006			Skulesjefen og lærarar frå Korosten vitjar Ølen vgs for å læra om skuleval, DK-prosjekt: Rehabiliteringssenter for unge rusmisbrukarar.
2004-2005			Valgfaggruppe HO, Humanitært arbeid, besøker Korosten. DK-prosjekt: Rehabiliteringssenter for unge rusmisbrukarar

THK-stifselsen

Kva er THK?

THK er ein tverrkyrkjeleg stiftelse som støtter kristent og humanitært arbeid i Øst-Europa. Dei støtter ulike prosjekter som lokalbefolkninga startar opp, alt frå barneheim til bibelskule. Dei meiner de lokale bør få sjansen til å hjelpe sitt egent folk, derfor driver ikkje THK noko arbeid, dei er støttespelaren.

Kjelde: www.thk.no/